Со кредитни картички на Стопанска и Комерцијална, празнеле сметки од национална Кувајтска и банката Барклис од Лондон. Двајца се приведени тројца во бегство. Организатор на групата бил 28-годишен скопјанец.
Тој ги вадел картичките и подоцна на нив впишувал фалсификувани кодови од сметки на странски државјани. Парите ги влечеле преку бензинска пумпа на Макпетрол во Штип.
Го договориле вработениот на камионџии да им продава поевтина нафта, да им зема кеш, а во бензинската сумите да ги покрива со фалсификуваните картици.
За секоја наплата добивал по десет проценти од сумата. Бил задолжен да вклучи и негови колеги кои би работеле на истиот начин.
Од досегашната истрага полицијата утврдила дека групата успеала да одземе 650,000 денари, имаат индиции дека повлекле повеќе пари. Иако случајот наликува на акцијата Банкомат, засега освен индиции не постојат докази за поврзаност на групите.
Петмината осомничени ќе одговараат за oштетување и неовластено навлегување во компјутерски систем.
